Еве зошто е добро да имате риби како домашно милениче
Веќе ни е јасно дека домашното милениче ни го прави животот поубав. Покрај мачките, кучињата и папагалите, исто така и рибите се помеѓу најчесто избираните животни како домашни миленичиња. Во продолжение дознајте зошто е добро да чувате риби.
Лесна е грижата за нив
Всушност, рибите не бараат голема грижа. Ако немате време, а помислата за шетање на куче или маче ви создава страв, тогаш рибата е вистинскиот избор за вас.
Не се „мешаат“ во вашиот животен стил
Ако чувате мачки или куче, тогаш мора да промените некои планови. На пример, мора да отстраните некое парче мебел, мора да имате соодветна опрема за нивна лична хигиена и слично. Ако не сте подготвени на ова, тогаш рибата е совршено домашно милениче за вас.
Минимален неред
Ако чувате риба, нема да имате речиси никаков хаос во вашиот дом, освен чистење на аквариумот, но тоа е под ваша контрола.
