Еве што треба да правите за најголемиот христијански празник Велигден

За Велигден, треба да станете рано, но не треба да отидете рано на спиење т.е пред полноќ. Ако си легнете рано, тогаш целата година до наредниот Велигден ќе бидете поспани и сонливи.

Кога ќе станете, треба да се измиете со вода каде што се ставени дрен, здравец, босилен и црвено велигденско јајце. Децата по образите треба да се допрат со црвено јајце, за целата година да бидат здрави и румени.

За Велигден се меси посебна погача, а некои практикуваат да направат и лепче каде во во средината ставаат цело јајце.

На вториот ден од Велигден, момчињата ги полеваат девојките со вода. На овој ден треба и во нивата да се остави скршено јајце, со цел нивата да биде плодна цела година. Јајце треба да ѝ се даде и на стоката, за цела година да биде здрава.