Еве на што Лила го троши своето богатство – ПОЗНАТАТА ВОДИТЕЛКА не може без овие луксузни детали
Познатата водителка со ова свое издание им го привлече вниманието на случајните минувачи низ градот
Никого не остави рамнодушен
Познатата водителка се прошета низ градот, па седна на една клупа да се одмори, привлекувајќи им го вниманието на минувачите.
Претпоставуваме дека веќе и врапчињата на гранките знаат дека станува збор за Лила Филиповска, а одличното пролетно издание со кое овој пат се прошета низ градот никого не остави рамнодушен.
Имено, Лила реши да се „излуфтира“ и за ова променливо време избра стајлинг кој е совршен избор за преодниот период.
Но покрај црната комбинација што ја носеше, водителката овој пат привлече внимание и со модните додатоци.
Тука пред се мислиме на големата чанта со класичен облик на еден од омилените брендови на многу жени, Луј Витон.
Инстаграм/ Лила Филиповска
Иако станува збор за еден од најпознатите модели, оваа чанта изгледа елегантно посебно во оваа големина и заради кафеавите рамки.
Покрај чантата, ќе ги споменеме и длабоките спортски патики кои се совршен избор за едно вакво време, но и начинот на кој што таа ги носеше, односно со широкиот ремен и очилата за сонце кои исто така беа од светски познати брендови. Овие луксузни детали во комбинација со розовиот кармин и косата врзана во висока опашка го нагласија ова самоуверено и отмено издание на Лила.
#LUBiker
Нов модел што ги освојува жените
Новата Biker чанта од Луј Витон е клучниот модел во колекцијата за пролет-лето 2025. Овој неодолив дизајн е инспириран од класичните кожени рок јакни, но воедно и ги задржува традиционалните линии на брендот кои влечат корени од производството на куфери и торби за патување од старото време.
Оваа чанта од Луј Витон (LV Biker) се продава во три величини од кои најголемата нуди доволен простор, додека нано моделот е идеален како за дневна, така и за вечерни пригоди. Цените започнуваат од 3250 долари за нано, па 4300 долари за ПМ и 4600 долари за ММ моделот…
Структурата на овој модел потсетува на веќе култните „Speedy“ и „Keepall“ модели, додека ремените му додаваат сестраност, така што станува збор за совршен моден додаток од новата женска колекција на познатиот бренд. Модел кој совршено ја одразува темата „soft power”, но истовремено додава модерни и остри нијанси во асортиманот на оваа престижна и луксузна модна куќа од Франција.
Инстаграм/ Тина Поти
Инстаграм/ Ел Фергусон
