На 19-ти декември православните верници го слават Св. Никола. Според народните верувања, на овој ден не треба да се работат тешки работи, ниту пак да се извршуваат домашни обврски, како чистење, перење…
Постои верување дека на тој ден никој не треба да го потсетувате на долг, ниту додатно да му ја отежнувате положбата затоа што е должник. Треба да се носат подароци за оние кои го слават Свети Никола. Според некои обичаи, на некои места во земјава, оние кои го слават овој празник треба на своите гости да им дадат дарови пред да си заминат дома, да не ги пуштат со празни раце.
Во Македонија и во светот има безброј цркви, манастири, икони и фрески, кои се посветени на овој светец. Свети Никола е еден од најсаканите христијански светци.
