Еве кои три грешки најчесто ги прават македонските гастарбајтери – за Германците ова е несфатливо
Наместо златен ланец и БМВ, инвестирајте во нешто што ќе ви се исплати во животот и што може да си го дозволите
Неколку грешки што ги прават нашите гастарбајтери во Германија, но и во многу други земји каде заминале на печалба.
Многу наши сограѓани решиле да ја побараат својата среќа за подобар живот во една од најразвиените земји во Европа.
Станува збор за Германија, секако, каде веќе со децении заминуваат да работат многу Македонци, а во последно време се селат и цели семејства.
И додека порано тоа беше најлесно со бугарски пасош и на овој начин илјадници Македонци се отселија, во последно време многу наши граѓани заминуваат на работа и со македонски пасош, посебно доколку имаат професија што се бара кај нив и имаат барем основно познавање од германскиот јазик.
Фото: Фрипик
Но многу од нив, како што вели еден познат ТикТокер, заминуваат во оваа земја за да го решат својот финансиски проблем.
И наместо тоа тие да го направат паметно, многумина влегуваат во друг проблем, кој посебно сега, со бројните отпуштања во оваа земја, може мошне скапо да ги чини во животот.
Имено, како што вели Тиктокерот Далибор кој објавува финансиски совети под името „Јас инвеститор“, првата грешка што ја прават луѓето од Балканот кои заминале на работа во Германија, е тоа што купуваат скап автомобил, наместо некој што можат да си го дозволат.
Фото: Фрипик
Проблем број 1
Па така тие ќе купат автомобил од 30.000 евра и за истиот ќе земат и кредит, па на крај ќе треба да врати и многу повеќе.
Но како што советува овој Титокер, наместо да купите скап модел, во Германија има и многу поповолна автомобили кои се во одлична состојба и кои можат да ви завршат одлична работа (не мора да биде БМВ или Мерцедес, може и Опел, Фолксваген, па дури и Ауди, нели?).
Исто така и во сите градови и јавниот превозот е максимално регулиран, така што, во повеќето случаи и нема да ви треба автомобил, барем не во првите неколку години.
Тоа впрочем го вели и еден наш сограѓани, кој пред неколку години се пресели во Германија и каде првата година, додека таму беше без неговото семејство, немаше купено никаков автомобил, па цело време користеше јавен превоз.
„Верувајте ми, сега откако има и поевтини авионски билети, понекогаш се враќав и по два пати месечно во Македонија за да бидам со сопругата и децата. Тука е организирано сé, така што од секое место лесно ќе пристигнете до аеродромот од кој треба да летате, а и на работното место“, вели тој.
Фото: Фрипик
„Но кога дојде и сопругата заедно со нашите три деца, решив да купам автомобил. Веќе цела година сум тука и имам заштедено некое евро. Но сепак, не сакав да се задолжувам со кредити, па си купив автомобил кој можам да си го дозволам со буџетот и не само што е поевтин, туку и одржувањето за него ми е многу поевтино, а ми врши работа. За некоја година можеби и ќе го оставам на некого во Македонија“, ни откри овој соговорник кој сакаше да остане анонимен, но кој очигледно не ја направил грешката за која зборувавме.
Живот без кафани и кладилници?
Сепак, да се вратиме кај овие пропусти што ти прават луѓето од овие краишта што решиле својата среќа да ја побараат во Германија.
Како што вели овој ТикТокер, многу Балканци кога ќе дојдат во Германија, навикнати на животот тука, сакаат да ги прават истите работи како што до вчера ги правеле и во својата земја. Но како што напоменува тој, одењето во кафеани во Германија, нешто што го споменува како пример, е многу поскапо, па така едно излегување во ресторан не може да ве чини под 200 евра. Оваа сума во време на инфлација, па и на бројни отпуштања и проблемите со кои се соочува економијата во оваа земја, воопшто не се малку дури ни за Германците.
И како што предупредува, тука се крие уште еден сериозен проблем, а тоа е што во овие места има и многу апарати за игри на среќа, па оние што не можат или не сакаат да најдат дополнителна работа, наместо да го трошат времето на полезни работи, како на пример да посетуваат некој курс, многу лесно можат да преминат и на деструктивни работи.
Тоа посебно важи за оние што на Балканот често оделе во кладилници, но со многу помали влогови. Во Германија ќе имаат и поголем буџет, па и многу полесно ќе можат да го потрошат истиот, затоа најдобро е да се избегнуваат сите овие места или да сето тоа да се прави во границите на нормала (тука секако мислиме на одењето во ресторани, но не и трошење на пари во кладилници).
Еве зошто сите зборуваат за овој фустан од Зара – и во Македонија е хит, се продава за 2.290 денари
Нема потреба од скапа облека
И секако, како совет број три вели дека нема потреба да се купува стриктно брендирана облека, посебно ако немате високи примања.
Многумина трошат многу пари за тоа секој месец, но попрепорачливи би биле разни инвестиции, каде што заштедените 100 евра месечно подоцна би донеле многу повеќе пари, вели овој Тиктокер.
Целото видео погледнете го во продолжение….
@ja_investitor Zašto je važno da svaki gastarbajter vodi računa o ličnim finansijama? Život u inostranstvu donosi mnoge prilike, ali i izazove. Ako pametno upravljaš svojim novcem, možeš obezbediti sigurnu budućnost za sebe i svoju porodicu. Evo zašto je to važno: ✅ Sigurnost: Imaš fond za hitne slučajeve kada se pojave neočekivani troškovi. ✅ Sloboda: Investiranjem novca stvaraš pasivne prihode i osiguravaš finansijsku nezavisnost. ✅ Budućnost: Možeš pružiti bolju podršku svojoj deci i planirati mirnu penziju. Investiranje je ključ! Počni sada — nije važno koliki iznos imaš, bitno je da kreneš! 📲 Zaprati kanal i klikni na link u opisu za aplikaciju za investiranje! #Gastarbajter #Investiranje #FinansijskaSloboda #LičneFinansije #SavetiZaNovac #InvestKonto #štednja
