Февруарската полна месечина традиционално е позната како снежна или гладна, затоа што во овој месец најчесто може да се видат снежни покривки, а исто така сме при крај на зимата кога нема многу храна.
Супер месечината ќе се појави на небото овој викенд, со најголема видливост на 9-ти февруари, во раните утрински часови. Месечината ќе биде полна околу три дена, од петок навечер, до понеделник наутро, а тоа ќе биде викенд на полна месечина.
Астролозите веруваат дека овој природен феномен е одлична прилика да го отфрлиме од себе сиот непотребен товар, затоа што влијанието на снежниот месец ни помага да донесеме вистински одлуки. Потребно е да преземете контрола над себе за да ги отфрлите непосакуваните работи во животот. Не претерувајте со чувство на вина и самокритичност. Астролозите сметаат дека би требало да посветете внимание на можни измами. Но, Снежната месечина може да ви го осветли патот и да ви го олесни процесот на донесување одлуки, па не’ ослобудва од некои илузии, без разлика дали се љубовни или деловни. Влијанието на овој период најмногу ќе го почувствуваат личностите родени во знакот Девица, Риби, Стрелец и Близнаци, како и оние кои се родени во овој подзнак.
Според некои експерти, оваа полна месечина која ни доаѓа се опишува како супермесечина, иако според други таа не може да се квалификува како таква. Супермесечините се случуваат кога елиптичната орбита ја носи Месечината до најблиската точка до Земјата, додека Месечината е полна. Оваа фраза за прв пат била создадена во 1979 година.
