Еве кога пристигнуваат дополнителните пари за скенирачите на сметки

„Скенирачите“ на фискални месецов може да ја очекуваат исплатата на повратот на ДДВ за периодот јули, август и септември.

Законскиот рок е 60 дена по завршување на кварталот.

Граѓаните кои ги исполниле условите, скенирале сметки и имаат точно внесени трансакциски сметки, средствата ќе ги добијат автоматски по обработката.

Од Управата за јавни приходи (УЈП) потсетуваат дека најчеста причина за доцнење во претходните исплати биле некоректно внесени или неажурирани трансакциски сметки во апликацијата „МојДДВ“.

За навремена исплата, граѓаните треба да:

Проверуваат дали сите скенирани сметки се евидентирани во апликацијата „МојДДВ“. Осигураат дека трансакциската сметка е правилно внесена и активна во системот на УЈП. Следат официјални известувања од УЈП и апликацијата за актуелности.

Со редовно ажурирани податоци, повратот на „МојДДВ“ ќе се исплати навремено.

Граѓаните можат да добијат до 2.100 денари за едно тромесечие или до 8.400 денари за цела година.

Мерката за поврат на дел од ДДВ стартуваше во јули 2019 година како начин на враќање пари кај граѓаните со што и тие ќе учествуваат во намалувањето на сивата економија и во елиминацијата на даночното затајување во земјата.

Мерката превидува враќање на 15 отсто од данокот на додадена вредност на сметки на граѓаните кои ќе скенираат кодови од фискални сметки со апликацијата „Мој ДДВ“, платени во трговските објекти во целата земја. Можноста за поврат на дел од ДДВ-то е достапна за сите граѓани на кои имаат наполнети 15 години и кои се регистрирани на системот на УЈП. Поврат на овој начин се врши само за граѓаните, а не и за претпријатијата и може да се користи само за фискална сметка до износ од 30.000 денари.