Еве кога почнува новата сезона на „Ѕвездите на Гранд“ – големи изненадувања во правилата
Продукцијата најавува дека гледачите ќе бидат сведоци на нова сценографија, нови правила и натпреварувачи од различни делови на регионот, но и на светот.
По двомесечна пауза, најгледаното музичко натпреварување на Балканот „Ѕвездите на Гранд“ повторно се враќа во студиото на Кошутњак.
Публиката од целиот регион со нетрпение ја очекува 19. сезона, а првата емисија веќе е закажана за 1 септември 2025 година.
Advertisement
Продукцијата најавува дека гледачите ќе бидат сведоци на нова сценографија, нови правила и натпреварувачи од различни делови на регионот, но и од светот.
За љубителите на ова шоу, тоа значи повеќе возбуда, неочекувани пресврти и свежина во форматот кој веќе години наназад го држи приматот како најпопуларно музичко натпреварување.
Промени ќе има и во жири-комисијата. Покрај веќе добро познатите имиња – Ана Бекута, Снежана Ѓуришиќ, Александар Милиќ – Мили, Светлана Цеца Ражнатовиќ и Ѓорѓе Давид, оваа сезона им се приклучуваат и Дара Бубамара и Драган Којиќ – Кеба.
Точниот датум кога публиката ќе ја следи премиерата на малите екрани ќе биде дополнително објавен, но продуцентите веќе најавуваат дека тоа е само почетокот на бројните изненадувања што ги подготвиле.
