Еве како Сонцето од Кутлеш се вееше во Австралија – братучедите Влатко и Дамјан направија лом
Овие денови, во Австралија, ечи македонска песна
И во Австралија ништо ново, освен што пристигнаа братучедите …
Започна турнејата на славните кичевчани во Австралија, а за нивниот прв концерт се бараше влезница повеќе.
Братучедите Дамјан Стојаноски и Влатко Миладиноски, заедно со братот на Влатко, Златко Миладиноски, ја започнаа нивната турнеја во Австралија, а првиот настап во оваа земја помина одлично.
Фејсбук/ Влатко Миладиноски
И Дамјан и Влатко оваа година направија голем успех со нивните песни, но и со големите концерти на Влатко и Златко Миладиноски што ги направија во изминативе месеци во Скопје и Охрид.
И како што самиот Дамјан неодамна и во емисијата „Кафе муабети“ откри, тие подготвија изненадување и за публиката во Австралија.
Веста дека заминуваат за Австралија израдува многумина на социјалните мрежи, а првиот настап помина одлично.
Тоа впрочем може да се види и од бројните снимки кои што се појавија на интернетот, на кои се гледа како славните братучеди ги забавуваат Македонските иселеници во оваа земја.
Фејсбук/ Дамјан Стојаноски
Станува збор за нивниот настап во Вологонг, кој се случи вера, на 31 декември, а кој беше распродаде уште пред две недели.
Фејсбук/ Дамјан Стојаноски
Од снимките може да е види како нашата дијаспора ужива во македонската музика, но и како се вее Сонцето од Кутлеш..
Повеќе од очигледно е дека и Влатко, Златко и Дамјан се воодушевени од тоа како беа примени, па непосредно пред самиот настап Миладиноски со следбениците го сподели следното:
„Драги мои. Вечерва започнуваме со првиот концерт од нашата голема турнеја во Австралија. Салата во Wollongong и овој пат е премала да не собере сите“, напиша Влатко.
По неговата објава следуваа бројни коментари и сите се согласни дека тие се македонските амбасадори како на нашата култура, така и на нашето бивствување секаде низ светот.
Потсетуваме, Дамјан во емисијата „Кафе муабети“ која може да ја погледнете во продолжение зборуваше и за тоа како поминуваат нашите музичари во дијаспората, но и дека само неколкумина од неговите колеги пеат исклучиво македонски песни на своите настапи.
Имено, Дамјан е син на легендарниот македонски фолк-пејач Војо Стојаноски, па во емисијата зборуваше и за својот татко.
Во опуштен разговор со водителката Виолета П. Периќ, Дамјан ќе ги искаже и своите лични ставови и размислувања околу состојбата со македонската музика и зошто смета дека е потценета, но нема да ги заборави и легендите на македонската народна песна кои според него не се испочитувани онака како што треба.
Целата емисија со Дамјан погледнете ја во продолжение:
