Еве и кај нас се случуваат чуда – Македонка роди бебе во шестата деценија од животот и стана мајка
По долги години безуспешни обиди, кои очигледно не ја обесхрабрија, Македонка на 50-годишна возраст се оствари во улога на мајка.
Една малку поинаква вест – што ќе ви го разубави денот
На Фејсбук страницата на „Болница Плодност“ пред неколку дена беа објавени фотографии што никого не оставија рамнодушен.
Станува збор за фотографии од неколку мали принцезички и еден принц кои се родија овие денови, сите родени „ин витро“.
Фејсбук/ Болница Плодност
На фотографиите се гледа докторот примаријус Таше Трпчевски, кој ги држи бебињата во рацете, а во објавата на Фејсбук пишува дека едно од нив е родено од мајка на 50-годишна возраст, по многу години безуспешни обиди.
Погледнете ги овие мали ангелчиња кои на многумина им го разубавија денот, а на нивните семејства животот.
Фејсбук/ Болница Плодност
Инаку, во последно време често се случува жени да се остварат во улога на мајки и по 50-та година од животот.
Фејсбук/ Болница Плодност
БРАВО за кралицата мама и нејзината принезичка
Благодарение на ин витро и другите репродуктивни техники овој тренд е присутен во Европа и Сад, но и в Македонија.
Имено, процентот на повозрасни мајки се зголемува и во нашата земја, а како најчесто причини за трендот се наведуваат подоцното стапување во брак, одлуката на жените да се посветат на кариерата и образованието и да бидат лидери на работното место, финансиската ситуација, миграцијата, недоволната едукација за влијанието на напреднатата возраст на мајката врз репродукцијата, но и многу други причини.
Фејсбук/ Болница Плодност
Од друга страна многу жени со години се обидуваат да затруднат и да добијат дете водејќи се под паролата „никогаш не е доцна“.
Оваа мала принцезичка е доказ дека има вистина во овие зборови, па не можеме ни да си ја замислиме радоста на новопечената мама кога прв пат ја земала во свои раце ќеркичката, уживајќи во допирот и бебешкиот мирис на своето мало ангелче.
Нема ништо поубаво од тоа, нели?
