Овие енергетски плочки ќе ви се најдат кога во текот на денот ќе почувствувате желба за благо ил пад на енергијата. Можете да направите поголема количина во текот на викендот и да се снабдите за неделата пред вас.
Овие вкусни енергетски плочки се идеални за сите што вежбаат и внимаваат на исхраната. Одлични се како ужинка и ќе ви се најдат секогаш кога ќе почувствувате желба за благо или пад на енергијата. Претставуваат идеална здрава замена на купечките плочки. Направете си поголема количина и носете си со вас каде и да одите – на факултет, на работа, во теретана …
СОСТОЈКИ
– 100 g урми без семки
– 75 g сушена брусница
– 100 g бадеми, крупно измелени и потпечени
– 50 g мелен лен (можете да измелете во млин за кафе)
– 1 лажица агавин сируп
– половина лажичка цимет
– 50 ml вода
– 1 ред темно чоколадо
ПОДГОТОВКА
Измелете ги урмите и брусницата во блендер. Измелете ги бадемите на полуситно и потпечете ги или пропржете во тава околу една минута. Додадете ги бадемите во смесата од урми и потоа додадете го мелениот лен и цимет. Додадете ја водата и агавиниот сируп и се убаво измешајте со миксер. На крајот додадете ги коцките темно чоколадо.
Сипете ја смесата во плех обложен со мрсна хартија. Смесата е прилично леплива така што ќе биде најдобро со рацете убаво да ја распоредите на плехот. Ставете ја да отстои во фрижидер неколку часа и потоа исечете ја на плочки.
Извор: Fit-team
