Емотивна средба на легендите: Ноле изненади, Роналдо не можеше да поверува! (фото)

Новак Ѓоковиќ учествуваше на егзибицискиот турнир „Слемот на шесте кралеви“ во Ријад, каде што заработи 1,5 милиони долари за двата настапи.

Но, покрај спортските обврски во Саудиска Арабија, искористи и можност да се сретне со Кристијано Роналдо. Португалскиот фудбалски ас веќе неколку години е една од најголемите спортски ѕвезди во земјата, па како домаќин го пречека светскиот грен слем рекордер на тенискиот терен.

Оваа година Ѓоковиќ имаше и посебна средба со Лионел Меси, но сега оствари контакт и со Роналдо, со кого си разменија дресови како симбол на взаемна почит.

При размената, српскиот тенисер му подарил на Кристијано рекет со посебна порака, но и тениско топче со потпис.

– За Крис (CR7). Сиуууууу, – гласеше посветата на рекетот што Ноле му го подарил на Роналдо.

Интересот дополнително го зголемија неодамнешните објави на Џоковиќ на социјалните мрежи, кои наговестуваат можност за идни заеднички проекти со Роналдо. Иако сè уште нема официјални потврди, идејата за соработка помеѓу двајцата е многу привлечна за нивните милионски фанови.

Всушност, оваа средба беше повеќе од размена на подароци и разговор, туку јасен симбол на солидарност меѓу врвни спортисти. Кристијано Роналдо и Новак Џоковиќ уште еднаш докажаа дека вистинската величина не се мери само со освоени трофеи, туку и со почит, скромност и вистинско пријателство.

🚨 Novak Djokovic and Cristiano Ronaldo meet-up in the racket club..

They exchanged T-shirts and Novak gifted a signed ball and racket to Ronaldo. “For Cris” pic.twitter.com/ZvDxJ3MU9k

— SK (@Djoko_UTD) October 21, 2025