Елтон Џон сосема ослепе, ја шокираше публиката – „го загубив видот, не го гледам настапот, но уживам додека слушам“

Легендарниот музичар Елтон Џон откри дека го изгубил видот откако се борел со тешка инфекција. Во неделата присуствуваше на изведбата на мјузиклот „Ѓаволот носи Прада“ и ја шокираше публиката со својата изјава.

„Како што знаат некои од вас, имав проблеми и сега го изгубив видот. Немав можност да го видам настапот, но уживав додека го слушав“, рекол Елтон Џон, пренесува Дејли меил. Тој му се заблагодари на својот сопруг Дејвид Фурниш, кој го поддржуваше во текот на неговата битка со здравствените проблеми и му помогна да се симне од сцената.

„Благодарност на мојот сопруг, кој беше моја карпа, зашто не можев да присуствувам на многу премиери бидејќи, како што знаете, го изгубив видот“, додаде тој.

Елтон во септември откри дека се заразил со инфекција за време на летот, поради што има ограничен вид на едното око. „Се опоравувам, но процесот е исклучително бавен и ќе биде потребно време за да се врати видот на заболеното око“, напиша тој тогаш. Минатата недела изјави дека го изгубил видот и на десното око и не може да гледа четири месеци. „И левото око не е во најдобра состојба, но има надеж и охрабрување дека ќе биде подобро. Во моментов сум на истото место“, рече Елтон за Добро утро Америка.