Елена третиот син го роди пред терминот – Мојот сопруг плачеше од среќа и свиреше на свадба (видео)
Плачеше од среќа што му се роди син, но во исто време свиреше на свадбена прослава...
Елена Андоновска е една од нашите најпознати вокалистки и интерпретаторки на македонска етно и народна музика.
Таа е вистински пример дека и без скандали може да се изгради успешна кариера и да се биде на врвот на нашата музичка сцена, а со својот природен шарм и беспрекорен изглед никого не остава рамнодушен.
Но и покрај нејзината голема популарност и тоа што важи за една од омилените пејачки во Македонија, за нејзиниот приватен живот се знае многу малку. Познат е и нејзиниот сопруг, Марјан Андоновски, со кој Елена се познава од тинејџерски години, а долго време се заедно и како дел од „Танец“, каде што и се запознале во нивната младост.
Елена се потсети на овие моменти во емисијата „Кафе муабети“, а во интервјуто сподели и дека токму од нејзиниот сопруг ја има и најголемата поддршка во нејзиниот живот.
Таа искрено зборуваше за нејзината трета бременост кога го доби својот син Лазар, кој предвремено се роди, но и како Марјан морал да свири на свадба, додека таа се породувала во болницата.
Фејсбук/ Елена Андоновска
Имено, Елена се потсети на моментот кога во нејзината трета бременост, која била посакувана, се породила прерано, па морала да ги одложи сите свои настапи што од претходно ѝ биле закажани.
И како што самата открива во емисијата, породилните болки ги добила додека била кај својата пријателка, старосватица, а вечерта заедно со сопругот и нивниот бенд требало да настапуваат на свадба.
Фејсбук/ Елена Андоновска
Но наместо на свадба, Елена завршила во болница, а нејзиниот сопруг дознал дека му се родило машко дете додека свирел.
„Тоа беше многу убав период од животот – се случи мојата трета бременост, сакана бременост. Многу често знам да кажам дека сакав девојче, меѓутоа Господ имал други планови за мене“, раскажа Елена.
Таа исто така додаде дека е среќна со три машки деца, но го опиша и моментот кога ги почувствувала породилните болки.
Буквално, си седев со мојата пријателка на кафе, со мојата старосватица, и си уживавме во нашето пријателско кафе кога мене ми дојдоа болките. Тогаш кажав, ‘Јас ќе се породам’. Ме праша: ‘Како ќе се пораѓаш? Ете така, јас си ги препознавам болките и од тука сега ќе одам да се породам“. Само, викам, прво ќе си го допијам кафето“, вели Елена.
Фејсбук/ Елена Андоновска
И навистина така беше. Си го испив кафето, си отидов пеш до дома. И моите две дечиња беа со мене. И се породив порано..
Таа потоа додаде и дека во текот на деветтиот месец имала резервирано свадби и дека настапувала до крајот на бременоста.
„Настапував бидејќи убаво се чувствував. И тоа на штикли“, вели пејачката, а потоа откри и што се случувало со сопругот за тоа време.
„И дента кога се породив имав исто така договорена свадбена прослава. И барав замена од пред-породилна сала“, се сеќава Елена.
„Беше интересно и тоа што Марјан дозна дека сум се породила кога веќе почна да свири свадбен марш. И тоа беше еден момент кој што до ден денес си го раскажуваме, како тој плачел од среќа затоа што му се роди син, а во меѓувреме свири на свадбена прослава“, открива Елена.
„Се израдува и за себе, се израдува и за младенците. И тоа ќе ми остане како еден хајлајт, а луѓето на кои што тогаш требаше да им настапам на свадба, и дене денес сме во добро пријателство“ раскажа Елена.
Целото интервју со оваа прекрасна дама погледнете го во продолжение:
Потсетуваме, Елена во емисијата го најави и својот голем солистички концерт „Запеало славеј пиле“ што треба да се случи на 15 декември.
Концертот ќе биде вистинско музичко доживување за сите љубители на македонската изворна и модерна фолк музика.
На сцената во Македонската опера и балет публиката ќе биде во можност да ужива во нејзиното најавтентично издание – со мешавина од традиционални изворни песни, преку новокомпонирани фолк хитови и изненадувања со кои пејачката ветува незаборавна вечер за љубителите на убавата македонска песна.
