Зорка Јанчева од Тиквешијата ни носи превкусен рецепт за еклери што мора да се проба.
Лесно се прават, и не треба да бидете вешта домаќинка во кујна, а резултатот е – слатки кои се топат во уста.
Од намирници потребно ви е:
2 дл вода
100 грама маргарин
200 гр брашно
3 јајца
Подготовка
Се става маргаринот во тенџерче да се растопи, се додава водата а откако ќе зоврие се става брашното и се меша брзо и псотојано.
Потоа, се трга тенџерчето од оган, и повторно се меша за смесата убаво да се изедначи. Се остава да се излади. Кога ќе се излади, се додаваат јајцата едно по едно, па повторно убаво се меша.
Со помош на шприц (но може и со лажица) се прават еклерите и се редат во тава за печење, на која претходно се става мрсна хартија за готвење.
Печете ги во претходно загреана рерна на 200 степени околу 20 до 25 минути. Рерната не смее да се отвора додека еклерите убаво не се испечат.
Потоа, еклерите се филуваат со ванилин крем. Зорка употребила готов крем што се раствара со студено млеко и потоа додала и шлаг.
На крајот врз готовите еклери се наросува шеќер во прав.
Добар апетит!
