Една убава вест за иселениците од Америка и Канада од Миладиноски: „Браво Влатко, ти си најдобриот“

Влатко деновиве заедно со Интермецо бенд и Ангел Стојкоски замина на голема турнеја во Америка и Канада.

Популарниот македонски пејач Влатко Миладиноски заедно со својата екипа моментално се наоѓа на турнеја во Америка и Канада.

Нашите иселеници кои живеат во овие земји со нетрпение го очекуваат пејачот на големиот хит „Велат не нема“ да го слушнат во живот.

Имено, Влатко заедно со момците од „Интермецо бенд“ и Ангел Стојкоски заминаа преку „барата“ каде во следните неколку недели имаат закажано концерти за кои веќе се бара влезница повеќе.

Тие за Нова година ќе настапат во Њу Џерси, а веќе настапија во Охајо и Чикаго, од каде Влатко сподели и неколку фотки.

Фејсбук/ Влатко Миладиноски

Пејачот всушност сподели фотографии од големата арена на Чикаго Булс, каде навиваше со македонското знаме со сонцето од Кутлеш.

Фејсбук/ Влатко Миладиноски

Досегашните настапи поминаа одлично и Влатко ги воодушеви сите со неговите најголеми хитови, но и со најубавите македонски песни кои се пееја во еден глас, така што воопшто не се сомневаме дека пејачот заедно со неговата екипа на нашинците и во останатите градови ќе им приредат одлична и незаборавна забава.

Фејсбук/ Влатко Миладиноски

Тие веќе утре настапуваат во Детроит, па следува Индијана (Краун Појнт, Св. Петар и Павле), додека за Нова година се во Њу Џерси.

Фејсбук/ Влатко Миладиноски

Потоа следуваат уште неколку настапи, по што Влатко се враќа во Македонија и продолжува со своите веќе закажани настапи.

Принтскрин/ Јутуб

Потсетуваме, Влатко Миладиноски пред само една недела ги изненади сите и со уште една преубава македонска песна во нов аранжман.

Станува збор за песната „На миндер да седиш“ која Влатко заедно со неговиот брат Златко Миладиноски и неговиот оркестар и посебна благодарност до проф. Др. Владимир Јаневски ја изведоа на генијален начин.

Како звучи Влатко во ова издание, слушнете во продолжение…