Со доаѓањето на потоплите денови, фокусот природно се пренасочува кон обликување на телото, особено на стомачните мускули. Наместо часови кардио или бескрајни сетови во теретана, понекогаш е доволно да се вратите на основите – но да ги изведувате правилно и доследно.
Во продолжение ги издвојуваме четирите најефикасни вежби за рамен и силен стомак, кои може да се изведуваат дома, во теретана или дури и во комбинација со некои современи методи како што е EMS (електромускулна стимулација), која станува сè попопуларна меѓу оние кои сакаат резултати со помалку изгубено време.
1. Плaнк
Основна, но неверојатно ефективна вежба. Го активира целиот core, го подобрува држењето и издржливоста.
Изведба:
⦁ Потпрете се на подлактици и прсти.
⦁ Телото нека биде во права линија.
⦁ Дишете рамномерно и држете ја позицијата минимум 30 секунди.
2. Подигање на нозе
Одлична вежба за долниот дел од стомакот, кој често е најтврдоглав.
Изведба:
⦁ Легнете на грб, рацете покрај тело.
⦁ Подигнете ги нозете исправено кон таванот и потоа спуштајте ги полека.
⦁ Контролирајте го движењето – без замав.
3. Ab rollout
Вежба за понапредни, која бара стабилност и сила.
Изведба:
⦁ Клекнете и држете аб тркало.
⦁ Полека тркалајте го напред, колку што ви дозволува телото.
⦁ Вратете се назад со контрола.
4. Руски ротации
За странични стомачни мускули и дефинирање на струкот.
Изведба:
⦁ Седнете со благо подигнати стапала.
⦁ Ротирате го торзото лево-десно, со или без тежина.
⦁ Затегнете го стомакот во текот на целата вежба.
Додека редовната физичка активност е основа за здраво тело, сè повеќе луѓе денес се одлучуваат и за нови фитнес технологии како EMS, кои овозможуваат длабока мускулна активација за само 20 минути тренинг. Оваа метода може да биде корисна поддршка, особено за оние со динамичен начин на живот, или како дополнување на веќе воспоставена рутина.
