Еден иселеник споделува со што се сретнал кога се отселил во странство
Кога луѓето се упатуваат на работа во странство, изгледа дека им доаѓаат многу нови проблеми. Еден иселеник споделува со што се соочил кога прв пат заминал в туѓина.
Најголем проблем со кој се соочив беше недостатокот на детално планирање. Прв проблем настана кога почнав да барам работа. Тука не функционира се’ како дома. Потоа, јазикот ми беше една голема пречка.
Кога стигнав овде мислев дека доволно добро го зборувам, додека не почнав да комуницирам со луѓето. Тогаш сфатив дека она што го учев немаше голема врска со она тука. Секоја покраина, па дури исекој град има свој дијалект кој може да се научи и да се сфати дури кога ќе се живее тука.
Второ, со изнајмувањето на стан, морав да мислам и на мебелот. Не успеав да најдам наместен стан. Исто така проблем ми беше и туѓата култура. Мој совет е: Прифатете ја туѓата култура, прифатете ги луѓето и новата земја, па тогаш и вие ќе бидете прифатени.
Од моето искуство сфатив дека германците не се толку ладни како што се зборува за нив, туку тие се многу љубезни и сочувствителни, само ако и вие бидете такви кон нив.За крај ќе ви кажам дека не треба од почеток да барате удобности и луксуз. Ако не успеете веднаш, тоа не значи дека никогаш нема да успеете!
