Двобоен овошен колач омилен на сите – мек како сунѓер, евтин и брз
Овој евтин двобоен колач е прекрасен пример за тоа колку вкусно може да биде нешто едноставно. Слободно експериментирај со различно овошје – секогаш успева!
Ако барате евтин, домашен и превкусен колач, а се прави со состојки кои веќе ги имате на дофат– ова е вистинскиот рецепт.
Двобоен овошен колач со јаболка или со вишни е стар проверен рецепт на македонските домаќинки, идеален за со кафе, за гости или кога ќе ви се пријаде нешто сочно, меко и миризливо.
Состојки:
3 јајца
1 чаша шеќер
1 ванилин шеќер
½ чаша масло
1 чаша јогурт или кисело млеко
2 чаши брашно
1 кесичка прашок за печиво
1 лажица какао
Овошје по избор:
2–3 јаболка (рендани или исечени), или
1 чаша вишни, кајсии, сливи (може и од компот)
Подготовка:
Изматете ги јајцата со шеќерот и ванилиниот шеќер додека да станат пенести.
Додадете го маслото и јогуртот, промешајте.
Постепено додавајте брашно со прашок за печиво и мешајте додека не добиете хомогена смеса.
Поделете ја смесата на два дела – во едниот додадете какао.
Во намастен плех ставете прво од белата смеса, наредете овошје, па одозгора темната смеса.
Печете во претходно загреана рерна на 180°C околу 30–40 минути.
Оставете да се излади, па посипете со шеќер во прав.
