Драстична промена за само 3.000 до 5.000 денари: Пет трик-производи за да го направите малиот стан да изгледа многу поголем
Со буџет од 3.000 до 5.000 денари, можете да го направите вашиот мал стан визуелно поголем, посветол и попријатен. Со паметни избори и малку креативност, ќе го претворите секој агол во функционален и стилски простор.
Живеењето во мал стан не значи дека треба да се откажете од пространост, светлина или естетика. Со неколку паметни трикови и со многу мал буџет, можете визуелно да го „проширите“ просторот, да внесете светлина и да создадете чувство на свежина и комфор.
Погледнете како да го направите тоа за само 3.000 до 5.000 денари!
Advertisement
Огледало на вистинското место – и просторот се зголеува!
Огледалата се стар, но моќен трик. Ако поставите едно големо огледало наспроти прозорец, ќе ја дуплирате природната светлина и ќе создадете илузија на длабочина.
Колку ќе ве чини? Огледало со димензии 100х60 см во нашите продавници се продаваат за околу 700-1.200 денари.
Светли ѕидови и завеси – боите „отвораат“
Белата, крем и светлосива боја ја рефлектираат светлината и визуелно го зголемуваат просторот. За завеси, изберете проѕирни или лесни ткаенини.
Цена: Кофа бела боја (5 литри) – 1.200-1.500 денари.
Завеси: Лесни завеси – околу 600-900 денари по парче.
Мебел со повеќе функции – простор без хаос
Изберете мебел што има повеќе функции: тросед со складиште, масичка што се преклопува, полици наместо комоди. Ова значи помалку предмети и повеќе простор.
Тросед со складиште (софа-кревет) може да најдете по цена од околу 12.000-16.000 денари, или second-hand опции по цена од 5.000-8.000 денари.
Високи полици – искористете ја висината
Полици до таванот не само што ќе ви обезбедат дополнителен простор за складирање, туку и ќе создадат впечаток на пространост.
Цена: ѕидни полици – 300 денари по парче.
Минимализам – помалку е повеќе
Намалете ги непотребните предмети. Еден детаљ (на пример, растение или ламба со убав дизајн) има поголем ефект отколку полни полици.
Цена: Саксиско растение – 200 до 500 денари, декоративна ламба – 800 до 1.200 денари.
