Плодот на калинката претставува вистинска мала витаминска бомба на вредни биоактивни состојки кои ублажуваат многу здравствени нарушувања и болести. Калинката е богат извор на витамините А, Ц, Е, Б1, Б2, Б5, селен, цинк, железо, натриум, калиум, калциум, фосфор, магнезиум, бакар и два типа соединенија на кои им се припишува антиоксидантна активност.
Покрај ова, калинката може да ви помогне и при губењето на вишокот килограми, а во продолжение дознајте зошто е тоа така.
1. Не содржи многу калории, односно нискокалорична е, а само 1 калинка ја задоволува потребата од внесување на слатка храна.
2. Освен бројни витамини неопходни при секоја диета, калинката содржи висок процент на растителни влакна и со тоа одлична е за побрзо варење на храната во организмот и за негово прочистување.
3. Ја намалува склоноста на организмот кон наталожување на масни наслаги.
4. Докажано е дека калинката ги ублажува депресивните состојби. Доколку ја вклучите во секојдневната исхрана особено при диетите, ќе се чувствувате порасположени и полесно ќе стигнете со неа до саканата цел.
5. Нејзината нутритивна вредност е голема. Содржи витамин Ц, витамин Б5, витамин К, а од минералите богата е со калиум, железо, калциум, бакар и фосфор.
