Според Фенг Шуи филозофијата, многу животни имаат свое влијание на нашиот дом…
Според оваа филозофија, папагалите се одличен фенг шуи талисман, кој носи бројни корисни способности, затоа што се смета за древен пријател и заштитник на жените. Се верува дека во кинеската цивилизација честопати ги прати жените во текот на нивното шетање, затоа што како добри слушатели умееле да ги чуваат нивните љубовни тајни. Покрај тоа, папагалот како и другите птици, симболизира слобода, поради својата можност да лета и да се впушта во нови авантури. Кога луѓето дознале дека папагалот умее да имитира гласови и звуци околу себе, веднаш му доделиле статус на божествено суштество.
Според фенг шуи, папагалот може да се наоѓа каде било во вашиот дом, се’ додека за него се грижите добро. Без разлика дали сте го одбрале папагалот како свое домашно милениче или пак за декорација, мора да му обрнете доволно внимание. Папагалот им е неопходен на луѓето кои водат затворен живот и на кои им е потребно друштво. Тие се постојан извор на врева, па со самото тоа мирниот живот останува зад вас.
