„Доволно е да кажеш дека не сакаш да имаш деца“ – Јелена Спенџарска откри што најмногу ги нервира Македонците (Видео)
Македонската водителка и инфлуенсерка Јелена Спенџарска повторно привлече внимание на социјалните мрежи, овојпат со искрен коментар за тоа што, според нејзиното искуство, најбрзо може да ги испровоцира Македонците.
Во видео-објава на ТикТок, таа се пошегува дека понекогаш се кае што го вратила својот Фејсбук-профил, бидејќи таму јасно може да се види на кои теми најмногу „врие“ јавниот дискурс.
„Доволно е да кажеш дека не планираш деца или дека не си религиозен – и готово, коментарите сами ќе се редат,“ порача Спенџарска, додавајќи дека токму овие две теми најчесто отвораат лавина реакции.
@jelenaspendzarskaОтворив објава на фб за една жена која кажала дека никогаш не сака да има деца и ми се згади од коментарите !
Покрај оваа дигитална анегдота, Јелена сподели и дел од своите свежи патувачки впечатоци. Таа неодамна престојуваше кај пријателка во Шведска, каде што, како што призна, ја изненадиле постојаниот студ и мрачните денови, поради што ретко излегувала од дома.
По враќањето во Скопје, Спенџарска сними момент од аеродромот, искрено воодушевена од сончевото време што ја пречекало.
„Не можете да замислите од каков мраз доаѓам. Тука ми изгледа како да е пролет,“ рече водителката од „Канал 5“, благодарна за топлината на родниот град.
