Откако еднаш ќе ги пробате, засекогаш ќе ги правите. Фантазија од вкусови, навистина се врвни!
Потребни состојки:
3–4 компир
8–10 пиперки
1 домат
1 главица кромид
1 морков
4 чешниња лук
200 мл варен домат (домашен доматен сос)
50 мл вода
2 лажици инстант од печурки
масло
сол, бибер, магдонос
Подготовка:
На загреано масло запржете ситно сечкан кромид или праз, а потоа додајте ситно сечкан морков.
Откако ќе омекнат, додадете го ситно сечканиот компир и пржете неколку минути.
Додадете го излупениот и исечкан на коцки домат, сечканиот лук, сол, бибер и магдонос. Промешајте и кратко запржете.
Пиперките измијте ги и исчистете ги од семето.
Плехот намастете го со малку масло.
Со подготвениот фил наполнете ги пиперките и наредете ги во плехот. Затворете ги со кругови домат.
Во мала чинија измешајте го варениот домат, водата и инстант мешавината од печурки. Прелијте ги полнетите пиперки со овој сос.
Секоја пиперка малку намастете ја со масло и печете ги во загреана рерна околу 40 минути на 220°C.
Уживајте во оваа фантазија од вкусови!
