Домашни баунти чоколада – само со четири состојки, брзо и лесно
Ова е совршен десерт за сите кои сакаат комбинација од кокос и чоколадо, идеален за секоја пригода!
Доколку сте љубител на слатките со кокос, а слабост во се баунти чоколадата, овој рецепт ќе ви стане омилен.
Со само неколку состојки и едноставен начин на подготовка, ќе добиете десерт што плени со својот богат вкус и текстура. Без разлика дали ќе ги направите во форма на колач подготвен во тавче или како штангли, резултатот ќе биде фантастичен, а особена радост ќе им донесете на дечињата.
Еве како да ги подготвите лесно сами баунти чоколадата и да ги воодушевите вашите најблиски.
Состојки:
200 г кокос
100 мл слатка павлака
70 г шеќер во прав
70 г путер
200 г чоколадо за готвење
Подготовка:
Во сад измешајте го кокосот и шеќерот во прав. Во тенџере загрејте ја слатката павлака и путерот на тивок оган додека путерот целосно не се растопи.
Оставете смесата да се излади, па прелијте ја врз кокосот и шеќерот. Измешајте убаво, додека добиете густа и компактна смеса.
Подготовката можете да ја обликувате на два начина: полесниот начин е да ја израмните во плех, слично како бајадера.
Вториот начин е да формирате штангли со рацете и да ги наредите врз алуминиумска фолија. Без разлика кој метод го изберете, смесата треба да се остави во фрижидер за да се стегне.
Потоа, врз изладените штангли прелијте го растопеното чоколадо или потопете ги во чоколадото и повторно вратете ги во фрижидер за да се стврднат.
Уживајте во незаборнавниот баунти вкус!
