Добри вести за нашите во Германија – стигаат повеќе пари на сметките

Од 1 јануари 2026 година, законската минимална плата во Германија ќе се зголеми на 13,90 евра на час, што ќе донесе поголема заработка за околу 6,6 милиони работници. Оние што работат со полно работно време ќе добиваат до 187 евра повеќе месечно.

Пример за пресметка

За работна недела од 40 часа (173 часа месечно):

Период Часови Месечен износ Разлика
Пред (2025) 12,82 евра 2.218 евра
После (2026) 13,90 евра 2.405 евра +187 евра
Вработените со скратено работно време ќе добијат пропорционално зголемување. Прагот за мини-работни места ќе се зголеми од 556 евра на 603 евра, за да се одржи истата часовна плата од околу 43 часа месечно.

Кој има најголема корист

Жените и вработените во источниот дел на Германија ќе имаат најголема корист. Ниските плати во угостителската индустрија (56% од вработените работат за минимална плата) и во земјоделството и шумарството (43%) се особено погодени.

Нов раст во 2027 година

Комисијата за минимална часовна плата, исто така, предлага ново зголемување од 1 јануари 2027 година на 14,60 евра на час, што би опфатило до 8,3 милиони вработени. Границата за мини-работа потоа би се зголемила на 633 евра.

Од воведувањето на минималната плата во 2015 година (8,50 евра) до 2027 година, се предвидува зголемување од повеќе од 5 евра на час.

Критики и реакции

Социјалното здружение на Германија (SoVD) смета дека 13,90 евра е сè уште премногу ниско и дека минималната часовна плата треба да биде најмалку 15,12 евра ако сакаме ефикасно да се спречи сиромаштијата.

Работодавците ќе мора да ги прилагодуваат договорите и точно да ги евидентираат работните часови, а непочитувањето на прописите може да резултира со казни до 500.000 евра, предупредува Министерството за труд.

Но, еврото изгуби повеќе од 80 отсто од својата вредност мерена во злато од неговото воведување во 1999 година, изјави Бернхард Матес, банкарски менаџер, во интервју за германскиот ФАЗ.

Според него, ова е последица на мерките преземени од централните банки кои спроведуваат екстремно лабава монетарна политика, па парите вредат помалку, а еврото е најизложено.

На 4 јануари 1999 година, за едно евро можеше да се добијат 128 милиграми злато, а денес само 23 милиграми. Сличен пример важи и за доларот, додека швајцарскиот франк изгуби две третини од својата вредност, објавува Фена.

Интересна е и споредбата со некои производи. Во 1906 година, една кригла пиво на Октоберфест чинела 0,38 марки или 0,14 грама злато, а на овогодинешниот фестивал на пивото во Минхен, за пиво морало да се издвојат 11,50 евра, или 0,26 грама злато, што е речиси двојно повеќе од пред 113 години, објави Сеебиз.