Рони Фостер од Северна Каролина бил на пат до болницата поради последна хемотерапија, кога дознал дека освоил 200.000 долари на лотарија.
Фостер, кој живее во Пинк Хил, рекол дека прво купил ливче за еден долар и освои пет. Потоа, во последен моент одлучил за тие пет долари да купи уште две ливчиња. Го изгребал првиот и ништо. Но, кога го изгребал вториот, таму го чекало големо изненадување.
„Ги видов сите тие нули и се изненадив. Не верував додека не ѝ го дадов ливчето на продавачката да го скенира. Кога се покажа дека треба да одам во централата на лотаријата, почнав да се тресам. Не можев да верувам“, изјавил среќникот.
Фостер, пензиониран работник на Министерството за транспорт, се бори против рак на дебелото црево и е на самиот крај на хемотерапијата. Добивката на лотарија му дојде како шлаг на тортата.
„Веќе бев среќен дека оваа ми е последна хемотерапија, а победата на лотарија направи да бидам уште посреќен“.
