До шапката е – Доналд Трамп не успеа да ја бакне Меланија на инаугурацијата (видео)
Откако Доналд Трамп не успеа да стигне до образот на својата сопруга, бакнежот заврши во воздух.
Инаугурацијата на Доналд Трамп, која се одржа во Капитол на 20 јануари, не помина без лапсузи. Неколку минути пред заклетвата, 47-от американски претседател се обиде да ја бакне сопругата Меланија, но во тоа го спречи нејзината шапка од брендот Ерик Џавитс, пишува Скај њуз (Sky News).
Така, парот размени „воздушни бакнежи“.
За време на минатата инаугурација во 2017 година имаше и некои комични ситуации. На пример, се чинеше дека Доналд Трамп заборави на својата сопруга додека брзаше по скалите на Белата куќа за да ги поздрави својот претходник, претседателот Барак Обама и неговата сопруга Мишел.
Г-ѓа Трамп беше оставена сама да оди по скалите. Подоцна истиот ден, Меланија беше фотографирана во нерасположено издание. Имено, таа се насмевна кога тој се сврте кон неа, но штом тој се сврте настрана, нејзиното лице повторно стана строго.
Врската на двојката беше под „лупа“ во мај истата година за време на посетата на Тел Авив, Израел, кога г-ѓа Трамп му ја турна раката на претседателот, па неговиот обид да ја фати за рака на црвениот тепих изгледаше комично.
