До ова ли дно на манипулации стасавме? Сопругата на Андреј открива- „Лажно е дека пиротехниката е донесена од бендот, НЕ ШТИТЕТЕ НЕКОЈ!“

Сопругата на трагично загинатиот член од групата ДНК, Андреј, Наталија Ѓоргиеска, на својот фејсбук-профил се обрати до своите следбеници, откривајќи страшни детали за вистината.

Нејзината објава беше споделена од повеќе луѓе, меѓу кои и од пејачката Елена Ристеска.

Ви ја пренесуваме објавата во целост.

„Во овој момент, кој е најтежок за нас, медиумите и државните институции, ме предизвикувате за прв пат да се обратам до македонската јавност. Во текот на вчерашниот ден, по потрага на својот сопруг Андреја Ѓорѓиески, да го најдам во некоја од болниците, на домашна адреса не посетила криминалистичката служба која без објаснување го барала мојот сопруг, во присуство на нашето дете.

Истата служба ме побара телефонски во неколку наврати со НАЈНЕХУМАН однос да дадам информација каде е мојот сопруг со цел да даде изјава за настанот, за што истото прашање го упатив кон нив. Од медиумите, кои пренесуваат ЛАЖНИ информации, дознале дека сопругот е на домашно лекување, додека тој лежи во болницата во Кочани, мртов.

Ги замолувам сите јавни медиуми да не шират дезинформации на социјалните мрежи. Ги замолувам и јавните органи да си извршат детален увид за целиот трагичен настан. Во овој тежок момент за сите нас, ЈАВНО ги замолувам институциите и медиумите да ја почитуваат пред се, нашата приватност.

Лажни објави дека мојот сопруг е на домашно лекување и дека пиротехниката е донесена од страна на бендот, ве молам, НЕ ШТИТЕТЕ НЕКОЈ КОЈ ТРЕБА ДА Е ПОЗАДИ РЕШЕТКИ! Како сопруга и мајка на малолетно дете, покажете малку сочувство, а така и за поблиското семејство и пријателите“ пишува Ѓоргиеска на нејзиниот фејсбук-профил.