Оваа 82-годишна бабичка диџеј е хит на социјалните мрежи – ја чекаме да дојде во Скопје!

Деновиве е вистинска Интернет атракција, па нејзината популарност ги надминува и границите на Јапонија.

Сумико Ивамуро е името на 82-годишната бабичка која ги руши сите стереотипи за тоа како изгледа и што прави жена на тие години.

Преку ден Ивамуро води ресторан за кинеска храна. Таа е задолжена за кујната и услугата. Но, тоа не ја спречува во вечерните часови да биде дел од програмата на ноќните клубови во Токио, каде е и мошне позната.

Оние што ги посетуваат нејзините забави, велат дека прави неверојатна атмосфера.

-Нејзината енергија ги надминува старосните граници. Ги обожувам нејзините сетови, што вклучуваат техно музика со примеси на џез, француски шансони и класична музика – вели еден од обожавателите на Сумико, 25-годишниот Фуминари Фуџи.

На 70-годишна возраст одлучува да запише школо за диџеи и оттогаш трае нејзината љубов кон оваа професија.

Во продолжение погледнете како тоа изгледа:

{youtube}Cgbz-HwKWZo{/youtube}