Зборот диета често добива негативна конотација бидејќи се поврзува со ограничен внес на храна, па затоа во овој случај најдобро е да се зборува за режим на исхрана, бидејќи скандинавската диета е токму тоа.
На сите ни се познати благодетите од медитеранскиот начин на исхрана каде што преовладуваат овошјето и зеленчукот, рибата и маслиновото масло. Сепак, последните истражувања покажуваат дека и скандинавската диета е исто така добра за здравјето. Таа во последно време станува се попопуларна, така што може да се мери, ако не и да ја надмине, медитеранската.
Оваа диета е многу привлечна затоа што се базира на млечни производи, бакалар, посно црвено месо, бобинки и ржан леб кои доминираат во кујната на Швеѓаните, Данците, Норвежаните и Финците. Исхраната во скандинавските земји е одлична за одржување на витката линија. Скандинавската диета во основа е протеинска бидејќи се заснова на црвено месо и риба, но сепак станува збор за немрсно месо кое не создава масни наслаги и проблеми со здравјето. Пред главниот оброк или како аперитив со пијалок се јаде пушена риба или пушено месо, варен компир, тврдо варени јајца и кисел зеленчук, што ја намалува гладта, како и количината храна што ќе се изеде за главниот оброк.
Премини на следната страна >>
