Ова е многу популарна диета која со години кружи меѓу луѓето и може да се најде во различни верзии, a во продолжение ќе ја претставиме најдобрата.
На пилешката супа и се припишуваат разни полезни влијанија врз здравјето, а и во народната медицина на различни култури се препорачува како помош за болни и реконвалесценти.
Диетата со пилешка супа трае седум дена во текот на кои е дозволено да се јадат пет различни видови на појадок во текот на неделата, а супата може да се консумира во неограничени количини. Значи диетата е многу лесна и едноставна. Се јаде појадок по кој можете да јадете супа во неограничени количини и ништо друго до појадокот следниот ден. За пет дена имате препорачан појадок, за секој ден различен, а шестиот и седмиот ден можете да си изберете кој појадок сакате од претходните пет дена.
Диетата со пилешка супа спаѓа во брзи диети кои не ги препорачуваат стручњаците за слабеење. Диетата не вклучува многу различни намирници па се смета дека не се внесуваат доволно хранливи материи во периодот кога се спроведува. Слабеењето најверојатно се должи на нискиот внес на калории, а не на самите својства на пилешката супа. Бидејќи се спроведува само една недела, оваа диета не би требало да има штетни последици кај здравите луѓе. Во секој случај, пред да почнете да ја спроведувате најдобро е да се консултирате со вашиот доктор.
Диетата лесно се спроведува бидејќи сите пропишани намирници можат лесно да се најдат и тоа по прифатливи цени, што е главната причина за нејзината голема популарност.
Премини на следната страна >>
