Сите веќе знаеме дека јаболките се особено здрави и дека го регулираат варењето. Па, диетата со јаболки е една од најпознатите диети која е безбедна за практикување, токму поради нејзиното кратко траење од три дена, но и поради позитивното дејство кое го има на здравјето.
Во текот на овие денови нема да чувствувате глад, а мал совет е јаболките добро да ги измиете. Не лупете ги затоа што токму во лушпата се кријат најкорисните состојки. Во продолжение погледнете го распоредот за оваа диета до кој би требало да се придржувате доколку сакате видливи резултати.
Првиот ден за појадок изедете едно парче интегрален леб со малку свежо кравјо сирење и три парчиња јаболко. Ужината може да ви биде еден крекер и една јаболка, додека пак ручекот нешто пообилен – околу 140 грама риби, една јаболка, еден портокал. За вечера подгответе си мал сендвич од интегрален леб со сирење.
Вориот ден започнете го со појадок од 30 грама овесна кажа, 130 милилитри млеко, малку суво грозје и една јаболка, додека пак за ужина изедете само една јаболка. За ручек подгответе си палачинка која ќе ја наполните со сечени јаболка. Вечерата нека ви се состои од 40 грама ориз промешан со малку банана и една исечена јаболка.
Третиот ден за појадок изедете едно парче леб со малку кравјо сирење, па и јаболка, а за ужина изрендајте една јаболка во 140 милилитри јогурт и додајте малку цимет. За ручек подгответе си 80 грама печени пилешки прсти со една исечена јаболка, една слатка црвена пиперка и малку лимонов сок. Диетата завршете ја со вечера која ќе се состои од салата од една јаболка, суво грозје и немасно сирење.
Во текот на овие три дена не заборавајте да пиете и доволно количество вода. После диетата ќе се чувствувате полесно и посамоуверено.
