Виното и чоколадото се здрави, тврдат стручните лица, но само доколку се консумираат умерено!
И едниот и другиот продукт содржат полифеноли, растителни состојки кои имаат силно антиоксидативно својство, па спречуваат разни болести и го успоруваат процесот на стареење. Па така оваа диета која денес ќе ви ја претставиме, не спаѓа во оние кои даваат спектакуларни резултати во намалувањето на несаканите килограми за краток временски интервал, но истата се има покажано како одлична кога e во прашање долгорочното намалување на тежината. Но со преминот кон овој начин на исхрана, во првата недела може да намалите цели три килограми!
Оваа двонеделна диета е заснована на внесувањето овошје и зеленчук, житарици, махунарки, тврдо овошје и семки, а употребата на маслиновото масло се подразбира сама по себе.
Секојдневно може да внесувате мали количини на млечни производи, а јајца до два пати неделно. Риба и животинско месо исто така треба да се јаде два пати во неделата, а црвеното месо само до два пати во месецот. Најмногу одбегнувајте готова, индустриска храна и шеќер. Планот на исхраната се заснова на тоа да одбирате само високо квалитетни, добро и внимателно одбрани намирници.
Комбинирајте ја чашата вино со медитеранската исхрана во која доминира зеленчукот, рибата и овошјето, па така ќе живеете подолго и поздраво, тврди проф. Роџер Кордер од лондонскиот институт „Вилијам Харви“, автор на книгата „Винска диета“. После 25 години истражување, заклучил дека долговечноста на жителите на јужна Европа може да се поврзе со здравата исхрана и навика да пијат само добро црвено вино. Супстанците од семките на црното грозје ги прочистуваат крвните садови, го намалуваат крвниот притисок и воопшто, ја подобруваат целокупната состојба на кардиоваскуларниот систем.
На исти начин делува и чоколадото, со голем процент на какао. Зрното од какао е најдобар природен извор на антиоксидантот Процијанид, кој што е подгрупа на полифенолот. Затоа треба да се консумира темно чоколадо кое содржи минимум 70 отсто какао!
А еве како ќе изгледа вашата диета на дневна база:
Прв ден
Појадок: Парче интегрален тост, лажица мармалад од шумско овошје, чај од билки – без шеќер!
Ручек: Салата од туна и лажица бел грав, неколку листови зелена салата (марула), киви, мандарина.
Вечера: Испржете на маслиново масло 100 гр. морски плодови и 20 гр. кикирики, а со тоа како прилог припремете 100 гр. интегрален ориз и две лажици сварена брокула.
Втор ден
Појадок: 3 лажици мусли со посно млеко, изрендана јаболка и една рака суви брусници.
Ручек: Чинија салата од леќа, брокула и фета сирење, 100 мл. посен јогурт, јаболко.
Вечера: 120 гр. лосос, печени домати, два сварени компири, лажива боранија.
Трет ден
Појадок: како првите два дена, со мал додаток на сок од брусница.
Ручек: 100 гр. пилешки стек на жар, чинија салата од роквици, зачинети со балзамико и 100 гр. сирење. За десерт овошна салата.
Вечера: 100 гр. телешки џигери на жар, 80 гр. интегрален ориз, 2 лажици варен зеленчук по избор.
Четвртти ден
Појадок: Варено јајце, парче интегрален леб, 2 дл. свежен овошен сок.
Ручек: 3 лажици туна, парче интегрален леб, чинија салата од моркови и целер.
Вечера: 75 гр. интегрални тестенини во сос од домати и босилок. Чинија зелена салата.
Петти ден
Појадок: Чинија овошна салата од круши и киви, 100 мл. јогурт, лажица семки.
Ручек: Чинија мешана салата од овошје, зачинета со босилок, со прелив од јогурт и овошје по избор.
Вечера: Ражњичи од бела риба и домати, 80 гр. интегрален ориз.
Шестти Ден
Појадок: 3 лажици муслии со посно млеко, лажица изрендана круша и малку цимет.
Ручек: Сендвич од парче интегрален леб, 3 парчиња мисиркина шунка, со домати и пиперка.
Вечера: 2 запечени домати, полнети со смеса од свежо, посно сирење и малку шампињони.
Седми ден
Појадок: Пола грејпфрут, парче немасна шунка, парче леб со семки.
Ручек: 75 гр. шпагети со сос од домати.
Вечера: 100 гр. стек од мисирка и зеленчук од скара: тиквички, пиперки, домати.
Осми ден
Појадок: 3 лажици муслии со млеко, киви, чашка сок од портокал.
Ручек: Исто како и петтиот ден.
Вечера: Чинија супа од зеленчук.
Деветти ден
Појадок: Исто како првите 3 дена.
Ручек: 80 гр. интегрален ориз со 100 гр. варен зеленчук, чинија зелена салата.
Вечера: Исто како вториот ден.
Десетти ден
Појадок: Исто како осмиот ден.
Ручек: Исто како осмиот ден.
Вечера: 120 гр. туна од скара, чинија салата од грав.
Единаесетти ден
Појадок: Мандарина, парче интегрален леб, премачкан со посна зденка.
Ручек: Чинија салата од 100 гр. варен компир, 50 грама боранија, 50 гр. туна од конзерва, 2 домати, варено јајце, малку маслиново масло, бело сирење, јаболка.
Вечера: 100 гр. пилешки стек и пет големи парчиња шампињони на скара, чинија зелена салата.
Дванаесетти ден
Појадок: Исто како и шестиот ден.
Ручек: Разно сиров зеленчук, парче интегрален тост, 120 гр. јогурт, киви.
Вечера: 120 гр. пастрмка, салата од варен компир со кромид, лук и зелена салата.
Тринаесетти ден
Појадок: Пола грејпфрут, варено јајце, парче интегрален леб.
Ручек: Чинија мешана салата: зелена, роквици, карфиол или брокула, со неколку коцки фета сирење и пет маслинки.
Вечера: Исто како шестиот ден.
Четиринаесетти ден
Појадок: Парче интегрален леб, лажица младо сирење, чаша сок.
Ручек: Мешана салата од леќа и грав, зачинета со маслиново масло, бело сирење и пет маслинки.
Вечера: Чинија говедска супа со месо и зеленчук, без тестенини, чинија овошна салата.
И секако, не заборавајте на доброто вино и квалитетното чоколадо, во кое можете слободно да уживате, но само во умерени количини.
