Денес го славиме светителот кој лекува и по смртта – за исцелување треба да направите една работа

На 24 април православните верници го чествуваат споменот на свештеномаченикот Антипа Пергамски, епископ на Пергамската црква и еден од првите ученици на свети Јован Богослов. Антипа е спомнат во Книгата на Откровението како „верен сведок“ кој страдал заради својата вера во Христа (Откр. 2:13).​

Во време кога Пергам бил центар на паганството, Антипа неуморно ја проповедал христијанската вера, што предизвикало гнев кај властите. Одбивајќи да принесе жртва на идолите, бил осуден на смрт, а со молитва и благодарност кон Бога го предал својот дух.

Христијаните тајно го погребале неговото тело, а неговиот гроб станал место на исцеленија, особено за луѓе кои имаат различни заболувања на забите. ​

Во православната традиција, свети Антипа се смета за покровител на стоматолозите и заштитник од забоболка.

На овој ден, верниците се молат за здравје и избавување од различни болки, а постои и молитва посветена на светиот Антипа, која се чита при забоболка. ​

Празникот на свештеномаченикот Антипа потсетува на силата на верата и на чудесната помош што светителите ја пружаат на верниците, дури и по нивната смрт.

Што треба да направите денес за исцелување?​

Според поука од житието на св. Антипа, кој се грижел за своето паство, на овој ден се советува да се направи дело на милосрдие, како:

посета на болен, донесување лек или оброк на сиромашен, помош на некој што страда – со збор, дело или молитва.

Моќна молитва за исцелување

Најважниот духовен чин е читање на молитва кон св. Антипа, која се чита кога некој има проблеми со забите или со усната шуплина, но и за вкупно телесно и духовно здравје.

Молитвата може да се прочита дома или во црква, пред икона на светителот.

„О, свети Антипа, Христов страдалнику и чудотворче, застапи се пред Бога за нашето спасение и избави нè од телесните болки и душевните страданија. Амин.“