Децата, тие толку мали и наивни суштества, не’ учат на многу големи животни лекции.
Децата ни ја покажуваат чистата и искрена љубов. Тие не’ учат дека искреноста е најдобриот пат да се ослободиме од тежината, а не држењето лутина ни помага да живееме во моментот и да бидеме среќни. Децата секогаш се расположени за игра, никогаш не осудуваат ниту обвинуваат. Тие се полни со љубов и не ги кријат своите емоции.
Децата ни покажуваат дека не треба да гледаме во минатото и да ги обновуваме своите проблеми. За нив постои денешниот ден. Денес тие се среќни, не паметат зошто вчера изгубиле. Не се навраќаат на проблемите и секогаш се трудат да најдат нешто ново во денешницата.
Децата не’ учат дека насмевката е најдобриот лек за да ги избришеме солзите. Тие ни покажуваат дека пријателите ни се потребни во животот, но дека навечер секогаш трчаме во прегратките на семејството. Децата ни покажуваат многу работи за кои ние возрасните не сме ни свесни. Потребно е само малку повеќе време да поминуваме со нив и повеќе време да обрнеме на нивното однесување и на нивното размислување. Децата во многу случаи не се само деца, туку се наш вистински показател во животот.
