Следната недела пејачот Дарко Лазиќ ќе има операција на нозете, а неофицијално, неговото семејство после разговорите со докторите се надева дека Дарко ќе ја напушти оваа установа за 15-20 дена. Имено, најблиските на Дарко се надеваат дека после операцијата заздравувањето ќе трае десетина дена, при што ќе може да замине дома.
Лекарите сметаат дека Лазиќ добро заздравува. Како што е веќе познато, тој има поставено екстензии, а лекарите до сега не можеа да го оперираат затоа што чекаа што е можно повеќе да му се стабилизира здравствената состојба. Моментално проблем се внатршните органи и тој е секојдневно на дијализа, за да му се подобри работата на бубрезите и да му се зајакнат останатите органи.
Близок извор открива дека како пациенти како што е Дарко, не може да се даде прецизна прогноза како ќе се одвива неговата здравствена состојба. Градите и бубрезите и понатаму му се во лоша состојба, па се чека да се види како ќе се одвива понатамошната ситуација.
