Дарко Андонов ДААН со нова емотивна поп балада „Сам во моите сни“ – порака за човечката потреба од блискост

Македонскиот пејач и автор Дарко Андонов – ДААН ја претстави својата најнова песна „Сам во моите сни“, нежна и длабоко емотивна поп балада што зборува за загубата, осаменоста и копнежот, чувства со кои секој човек може да се поистовети.

Иако инспирацијата доаѓа од лична емоција, песната носи поширока порака за човечката потреба од блискост, разбирање и топлина, дури и во моменти кога времето и околностите нè оддалечуваат едни од други.

Со овој сингл, ДААН ја продолжува својата авторска насока, градејќи препознатлив музички израз во рамките на современата македонска поп сцена. Неговиот карактеристичен вокал и искрената интерпретација уште еднаш се истакнуваат како заштитен белег, создавајќи песна што директно го допира срцето на слушателот.