Дали се соблече среде подкаст? Тамара му ја подари својата танга, Варошлија во транс! (фото)

Во најновата епизода од подкастот на Сергеј Варошлија, гостин беше популарната пејачка Тамара Тодевска, а нејзиното појавување донесе момент што брзо стана тема на разговор. Следејќи го хумористичниот дух од претходната емисија, кога Нено Сињори му подари носени чорапи, Тамара реши да оди чекор подалеку и да приреди уште поспецифичен подарок.

Во текот на интервјуто, таа му подари црни танга-гаќички, за кои откри дека ги носела за време на нејзиниот настап на Евровизија. Со насмевка додаде дека подарокот го дава „за против уроци“, алудирајќи на народните верувања, но и продолжувајќи ја разиграната атмосфера што стана препознатлива за овој подкаст.

Варошлија остана искрено изненаден, а неговата реакција донесе дополнителна доза хумор. Иако невообичаен, гестот беше претставен со симпатична доза и без намера за провокација, што придонесе оваа епизода да биде една од поинтересните и најкоментираните во последно време.