Дац со последно збогум за жртвите, срце да пукне – „сонувајте како љубовта владее со светот и сите танцуваат во ритaмот на небесната музика…“
Драган Спасов Дац од тагата сплете тегобна поезија.
И актерот Драган Спасов Дац на својот фејсбук-профил го искажа своето последно збогум за жртвите кои настрадаа во катастрофалниот пожар во дискотеката на смртта, а тоа го направи со емотивен, длабок, поетски збор. Срце да пукне.
„Сонувајте мирисни полиња со вртипоп од кои пчелите ги товараат своите бисаги со полен.
Сонувајте сончеви утра во кои росата ја пои тревата
Сонувајте мирно езеро како тепсија во кое се одразува вашата личотија
Сонувајте ги најубавите бои и птици, сонувајте птици кои се враќаат во ланските гнезда.
Сонувајте виножито по кое ситниот дождец создава ноти.
Сонувајте како љубовта владее со светот и сите танцуваат во ритмот на небесната музика.
Сонувајте ги ѕвездите, тие ќе сјаат само за вас. Безброј ѕвезди кои ќе ви го осветлуваат патот.
Сонувајте и патувајте…
