Цел клуб во солзи: Слаткар го прекина концертот и му се поклони на херојот од Кочани што ја обедини Македонија, публиката со овации го поздрави потегот (фото)

Викендов, за време на настап во преполн клуб, Марко Маринковиќ (Слаткар) им приреди силен и емотивен момент на присутните, кога меѓу публиката го забележа Јован Костадинов, 19-годишното момче кое стана национален херој откако спаси неколку луѓе во трагедијата во Кочани.

-Во публика го лоцирав херојот од Кочани, морав да се симнам и да го гушнам, еве го јунакот, напиша Слаткар на својата Инстаграм објава, споделувајќи фотографии од кратката, но силна средба.

Од видеата на социјалните мрежи, се гледа како публиката реагира со громогласен аплауз, а многумина емотивно го поздравија овој искрен чин на поддршка. Прегратката меѓу „Слаткар“ и Јован стана симболичен момент што ја потсети јавноста на човечноста, солидарноста и почитта кон младото момче чие  дело ја обедини цела држава.

За потсетување, Јован Костадинов е младото момче од Виница кое стана симбол на храброста и несебичноста откако во страшниот пожар во Кочани, кога се запали дискотеката „Пулс“, успеал да спаси најмалку 20 лица.

Како што пишуваа неговите пријатели Јован бил надвор за време на пожарот, но без размислување се вратил во дискотеката за да им помогне на другите. Тој го земал цревото што го нашол во гаража во близина, ја натопил својата маица за да ја стави на лице и без двоумење влегол во огнот, во тој момент воопшто не размислувајќи за себе и за својот живот, туку за сите оние на кои во овие страшни моменти помошта им беше најпотребна.

Целата сторија за храбрата мисија на Јован може да ја проследите во целост на овој линк.