Овие чизми се хит во целиот свет! Македонките веќе ги „фураат“, а погледнете како ги носи кралицата на уличниот стил
Таа важи за една од најуспешните и најпознатите манекенки, но и за кралица на уличните комбинации.
Прекрасната Џиџи Хадид е една од оние девојки за кои се вели дека ги диктираат трендовите. Што и да облече познатата манекенка за многу кратко време станува хит во целиот свет, па така нема да згрешиме и ако ја обвиниме дека е главниот виновник што овие чизми во моментот важат за најпопуларни во целиот свет, а ситуацијата не е ништо поразлична и меѓу девојките во Македонија. Станува збор за чизми до глужд, кои се тесни во горниот дел така што ја следат линијата на нозете со што додаваат доза на елеганција во нејзиниот стајлинг. Очигледно е дека оваа убава девојка во плакарите има неколку модели кои може да ги носи во најразлични комбинации, и без разлика дали тоа го прави со фустани или фармерки, секогаш изгледа отмено, дамски, елегантно, неодоливо и секси.
