Како да носиме чизми до над колена оваа есен и зима?
Тие се совршени за секој зимски аутфит доколку сакате да изгедате модерно и секси, а ако ги комбинирате со вистинските парчиња ќе добиете совршен стил како за вечерни, така и за дневни пригоди.
Чизмите до над колена се носеа и претходната година и најверојатно веќе имате пар или два во вашите плакари… Достапни се во најразлични облици и изгледаат секси, а и згодни се за носење. Сите се согласуваат дека чизмите до над колена ќе бидат апсолутен тренд за есен/зима 2014-15, а можете да ги носите со кратки здолништа, фармерки, панталони, хеланки… Не треба да заборавите да оставите неколку сантиметри за „вентилација“, а што се однесува до крајниот резултат, тоа е и повеќе од очигледно – овие модели, без разлика дали станува збор за модел со високи потпетици или не, од антилоп, во боја или од црна кожа – тие ќе направат вашите нозе визуелно да изгледаат многу подолго.
Оваа сезона можете да ги носите со миди здолниште или фустан кој има прорез од страната (или во средината), но и со мини здолништа и фустани кои завршуваат на местото каде започнуваат чизмите. Не треба да ги носите со тесни мини фустани (ова изгледа премногу вулгарно), но затоа пак од сé срце ви препорачуваме да ги пробате комбинациите со плетени XXL џемпери или плетени фустани кои исто така се мошне популарни ова сезона.
| види повеќе » |
Ако сакате да ги видите цените на најубавите модели на овие чизми од најпознатите „high-street“ брендови во Македонија, кликнете тука »
