И покрај тоа што Иванка ги копираше популарните сандали од „Chanel“, Меланија сепак повеќе преферира да носи оригинал
Нејзината модна куќа често е на удар на модните критичари дека ги копира креациите на познатите брендови
36 годишната ќерка на Доналд Трамп, Иванка, очигледно нема проблем со копирање. Таа е секогаш гламурозна и дотерана, па не ретко облеката и обувките со дизајнерски потпис што ги носи завршуваат и во колекциите на нејзиниот бренд кој го продава низ продавниците ширум Америка.
Па така обожавателите на нејзиниот бренд можат да ги купат славните сандали од „Chanel“ во две бои, со удобни високи потпетици, и тоа за многу попристојна цена.
Имено, оригиналните сандали од „Chanel“ прв пат се преставени во 1957 година и од тогаш преставуваат синоним за елегантни обувки што секоја дама со подлабоки џебови треба да ги има во своите плакари.
Ваквата идеја за женски обувки во две бои „Chanel“ одамна ја понуди и кај балетанките и затворените салонки.
И додека за еден ваков дамски модел од познатиот бренд треба да издвоите околу 800 долари, моделот што го продава Иванка низ трговските центри во моментот е на попуст и може да се најде и за помалку од 100 долари што го прави далеку подостапен и многу попопуларен од сандалите со етикетата на престижата модна куќа „Chanel“.
Но без разлика на добрата понуда што ја нуди ќерката на Доналд Трамп, нејзината маќеа, Меланија Трамп сепак повеќе го цени оригиналот, па не ретко ги носи своите балетанки од овој бренд во две бои.
