Познатиот бренд „Alexander Wang“ за следното лето претстави колекција чанти кои потсетуваат на неодоливите „bucket“ модели
Познатите „bucket“ модели ги популаризираше брендот „Mansur Gavriel“ кој ги претстави во најразлични бои направени од фина мазна или лакирана кожа. Овие мали практични и пред се шармантни чанти се совршени за прошетка низ град и можеби токму затоа многу дизајнери не се откажуваат од нивниот облик. Познатиот дизајнерски бренд „Alexander Wang“ за следното лето на NYFW претстави неколку интересни модели, а нам најмногу ни се допадна моделот „Roxy“ и тоа во мини верзија кој на ревијата го носеше познатата манекенка Кендал Џенер. Моделот е карактеристичен и по неговиот алтернативен изглед кој е совршен како за вечерни, така и за дневни пригоди, а неговата цена се движи околу 715 долари.
Па, дали ви се допаѓа оваа чанта? А како би ја носеле? Споделете го вашето мислиење во коментарите …
