Брза диета со домати: Симнете 3 кг. за само 5 дена

Правила на диетата

–    Диетата трае 5 дена, но можете да ја повторите по пауза од 2 дена.
–    Заборавете на слатките, белиот леб и мрсните сирење, а наместо тоа концентрирајте се на риба и пилешко, овошје и зеленчук, и интегрални житарки.
–    Можете да користите маслиново масло, како и сол и бибер и ароматични билки.
–    Секое утро откако ќе се разбудите треба да испиете чаша млака вода на празен желудник.
–    Јадете најмалку 4 пати дневно.
–    Појадокот и ужината можат да бидат со домати или без нив, но ручекот и вечерата мораат да содржат и домати.
–    Не е важно дали зеленчукот е свеж или сварен, важни се вистинските комбинации.
–    Ако сакате да го зајакнете имунитетот, почесто консумирајте варени домати.

План за исхрана

За појадок изберете една од следниве три опции:
– Интегрална кифла намачкана со 2 лажици немасно сирење и еден домат.
– Две парчиња тост намачкани со маргарин/путер и две парчиња шунка.
– 200 гр. јогурт со ниска масленост измешан со лажица мед и две големи лажици овесни снегулки.

Ден 1
Ручек: домати со сирење. Измешајте 300 гр. сечкани домати, 200 гр. младо сирење, прелијте ги со лажица ладно цедено маслиново масло и зачинете со босилок. Со салатата изедете и 30 гр. интегрален леб.
Ужина: 100 гр. овошје по ваш избор
Вечера: тестенини во сос од домати. Исечкајте два моркови и продинстајте ги малку на маслиново масло, додајте 50 мл. пилешка супа и динстајте уште 5 минути. Потоа додајте 450 гр. сечкани домати, ставете сол, бибер и пола лажичка мед, па варете на тивок оган уште 15 минути. Сварете 100 гр. интегрални тестенини и прелијте ги со вака подготвениот сос.

Ден 2
Ручек: грчка салата. Исечете една главица кромид, два домати и една поголема краставица, па прелијте ги со маслиново масло и додадете сол по желба. Со салатата можете да изедете и 30 гр. интегрален леб.
Ужина: филџан кафе и 2 бисквити
Вечера: чорба со ослич. Издинстајте 2 главици ситно исечкан кромид на маслиново масло, додадете 2 поголеми домати претходно излупени и исечени на парчиња, коцка супа од зеленчук и половина литар вода. Кога супата ќе зоврие, додадете едно исечкано филе од ослич, па варете уште дваесетина минути. Зачинете по желба.

Ден 3
Ручек: омлет. Издинстајте 100 гр. исечкани шампињони и 300 гр. исечкани домати на маслиново масло. Кога ќе испари водата, додадете 2 изматени јајца и потпечете.
Ужина: 2 моркови
Вечера: телешко со домати. Испечете една телешка шницла од околу 150 гр. на тефлонска тава и зачинете ја по вкус. Во друг сад ставете ситно исечкан кромид и 2 домати да се издинстаат, додадете ја шницлата, па варете на тивок оган уште 15 минути.

Ден 4
Ручек: ладно гаспачо. Исечкајте 300 гр. домати, една пиперка и една поголема краставица, додадете лажица маслиново масло, 2 чешниња лук и 2 парчиња издробен тост па се убаво измешајте во блендер. Додадете сол и бибер по желба и оставете во фрижидер да се излади.
Ужина: сендвич со домати
Вечера: домати со ориз. Издлабете 3 домати и ставете ги во огноотпорен сад. Измешајте 100 гр. младо сирење и 125 гр. обарен ориз, малку босилок, домат исечен на коцки и лук, па наполнете ги доматите. Печете околу 25 минути на 200 степени.

Ден 5
Ручек: италијанска салата. Исечете 400 гр. домати на коцки, па додадете им малку зелена салата, прелијте со 2 лажици маслиново масло и оцет, додадете сол и бибер по желба. Исечете еден тост на коцки па ставете ги врз салатата.
Ужина: јаболко со мед и нане. Исечете едно киви и една јаболка на коцки, измешајте со лажичка мед и зачинете со свежи листови нане.
Вечера: паприкаш. Издинстајте една главица ситно исечкан кромид, додајте 200 гр. компир исечен на коцки, 4 моркови исечени на кругови, 2 страка праза и 100 гр. печурки, зачинете по желба, додадете 100 мл. супа од зеленчук и чаша сок од домати, па варете уште 15 минути.

Диетата ќе биде уште поефикасна ако пред и по оброкот пиете што повеќе природни сокови од овошје и зеленчук, чаеви и негазирана минерална вода.