Милена Дравиќ почина неодамна во својата 79-та година од животот. Таа глумела во преку сто филмски остварувања.
Популарноста ѝ донела соработка со познати личности, а таа стана една голема југословенска, но и европска филмска ѕвезда. Холивудскиот актер Бред Пит имал прилика да глуми рамо до рамо со Милена. Имено, филмот „Темната страна на сонцето“ бил големиот првенец на Бред Пит. Неподвижната мајка на Бред Пит во филмот ја глумела Милена Дравиќ, а Горица Поповиќ била нивната куќна помошничка.
Божа Николиќ го избрал Бред Пит помеѓу 400 кандидати. „Жал ми е да го кажам ова, ама повеќе нема да се роди таква актерка. Тоа што таа го направи е феноменално. Направи околу 100 улоги и во тие филмови ги играше главните улоги. Глумеше мајка на Бред Пит и одлично соработуваа. Уште веднаш виде дека тој е добар актер, а особено го ценеше и го почитуваше, но и тој неа. Прогнозираше дека ќе биде светска ѕвезда“, вели Божа Николиќ присетувајќи се на оваа соработка.
