По Задушница Каролина и Василија ќе одржат хуманитарен концерт за Кочани во Германија
Пејачката го најави хуманитарниот концерт за Кочани
Хуманитарен концерт во Мајнц на 08. Јуни
Нашата пејачка, Каролина Гочева, го најави својот хуманитарен настап од чии приходи ќе се собираа средства за помош на семејствата на настраданите и повредените во пожарот во Кочани.
Концертот ќе се одржи во недела, на 08. Јуни, во Мајнц, Германија, а покрај Каролина ќе настапи и Василија Петрова заедно со Сања Здјелар и Група Милениум, а настанот ќе го водат Тино и Атанас.
Инстаграм
Пејачката на социјалните мрежи сподели и плаката од концертот и ги покани своите обожаватели од Германија да бидат дел од хуманитарниот настан од кој сите средства што ќе се соберат од продажбата на влезниците ќе бидат донирани преку организацијата Супорт Кочани. Настанот е во организација на Црковната општина „Св. Никола“ во Мајнц, а ќе се одржи во „Октобар фест“ халата во овој град.
Како што пишува на Фејсбук профилот на Матица на иселеници, пред одржувањето на Фестивалот ќе се богослужи Света архиерејска литургија на која ќе чиноначалствува Неговото Високопреосвештенство г. Пимен Митрополит Европски.
Инстаграм
Покрај Каролина и Василија Петрова, ќе настапат и КУД шара од Тетово и КУД Св. Никола од Мајнц.
Потсетуваме, Каролина пред неколку месеци се врати од турнејата во Германија, а имаше одличен концерт во Мајнц.
Таа деновиве беше гостинка о во една српска телевизија, каде меѓу другото зборуваше и за нејзиното пријателство со Тоше Проески.
Инстаграм
Каролина и Тоше беа мошне блиски, а како што пејачката откри, се запознале на некој фестивал, најверојатно 1998 година.
„И многу се дружевме. Се сеќавам дека приватно секој ден нешто си споделувавме. Многу бевме блиски во тоа време. Бевме многу блиски другари, нешто како брат и сестра. Медиумите се обидуваа да го прикажат тоа поинаку, но тоа е веројатно нормално“ – сподели Каролина, а потоа пред камерите и ја испеа „Тајно моја“ од нашиот легендарен пејач.
