Наши ѕвезди

Братот на музичарот што загина во пожарот во Кочани го истетовира неговиот лик – ќе го носи засекогаш!

Го напиша и името на познатата песна од „ДНК“

Advertisement

Братот на младиот музичар што загина во пожарот во дискотеката „Пулс“ во Кочани, го истетовира неговиот лик.

Димитар Ѓорѓиев, братот на тапанарот Џоко Ѓорѓиев од Струмица, која загина во пожарот во Кочани, го истетовира неговиот лик.

Advertisement

Тој направи голема тетоважа на раката со ликот на починатиот брат, а под неа го напиша насловот на песната „Животе брате“, една од најпознатите, но и најтажните песни на групата ДНК.

Инстаграм

Тетоважата е голема и ја зафаќа речиси целата подлактица, а во позадината се гледа и името на бендот со која настапуваше.

Advertisement

Димитар на овој начин сакаше трајно да ја одбележи поврзаноста што ја имаше со својот постар брат и да му оддаде почит.

Инстаграм

Инаку, пред неколку недели на социјалните мрежи се појавија и снимки на кои се гледаше како Димитар удира на тапан во рамките на Струмица опен фестивал. Тој тогаш, заедно со уште седум свои колеги, кои исто така беа со тапани, му изразија почит со песна на загинатиот музичар (како изгледаше ова, погледнете тука).

Принтскрин, Фејсбук

Нивниот настап беше толку емотивен што никого не остави рамнодушен, снимка од настанот сподели и таткото на Џоко.

Принтскрин/ Фејсбук

Потсетуваме, во страшниот пожар што пред шест месеци се случи во Кочани згаснаа животите на 62 млади

Трагедијата се случи за време на настап на музичката група ДНК, кога искри од пиротехниката го потпалиле таванот во дискотеката.

Инстаграм

Но и покрај тоа што запалениот дел беше веднаш забележан од публиката, но и од музичарите, огнот брзо се прошири, а паниката и тесниот излез од објектот предизвикале и стампедо.

Според обвинението за кое денес беше соопштено дека е одобрено во целост, објектот во кое се одржувал концертот не ги исполнувал ниту минимално техничките услови за вршење угостителска дејност. Немал одобрение за реконструкција, немал основен проект за реконструкција и елаборати како и посебен елаборат за заштита од пожари, експлозии и опасни материи, а не бил изработен и план и процена за заштита и спасување.

Инстаграм

Сето ова беше причина заради која се случи страшната несреќа која завеа во црно голем број семејства.

Меѓу загинатите се и осум членови од тимот на групата ДНК меѓу кои и младиот тапанар Џоко од Струмица..

Сите најнови вести поврзани со ѕвездите можете да ги следите на Гламур, убедливо најчитаниот портал за познатите во Македонија (види тука), како и на нашите страници на социјалните мрежи со вупно преку 1.000.000 фанови. Сите актуелни теми и случувања, најновите трачеви и најинтересните вести на едно место. Придружете се и на нашата официјална Фејсбук заедница ТУКА и бидете во тек со настаните, додека најинтересните текстови и интервјуа со познатите можете да ги следите и на Инстаграм ТУКА .
Реклама

Поврзано

New Ad
Back to top button