Без разлика што мислат мажите за машките модели на фармерки што ги носат жените, жените едноставно ги обожаваат овие модели и со задоволство ги носат во секоја пригода.
Со нив се прават одлични секојдневни и релаксирани комбинации, но и сосема спротивно – крајно женствени и секси комбинации за специјални пригоди! Можеби затоа овие модели не излегуваат од мода веќе некое време …
Како и да е, ова не значи дека ама баш никогаш немаме проблеми со нив, и дека ама баш секогаш знаеме как0 да ги искомбинираме со останатата облека и модните додатоци. Секако, треба да се земе во предвид конкретниот модел, бојата и дебелината на тексасот, како и тоа дали се облекуваме за на чаша вино со пријателките или пак за викенд прошетка низ град.
Бидејќи „бојфренд“ фармерките ќе бидат популарни и ова лето (како и претходното), да видиме како професионалците (читај модните блогерки) ќе ги носат и со што ќе ги комбинираат во оваа сезона.
| види повеќе » |
